Баян жалпы орта білім беру мектебінде қазанның 19-ы күні 7-11 сыныптар арасында "Сиқырлы күз" атты мерекесі өтті.
Мереке бағдарламасына "Күз ханзадасы мен Күз ханшайымы" байқауы(сурет көрмесі) және КТК ойындары кірді.Байқау шарттарымен танысқан жұптар барлық өнерлерін ортаға салып көрермен қауымын паш етті.Байқауға қатысуға үш жұп қатысқан еді.
Әділ-қазылар шешімі бойынша "Күз ханзадасы мен Күз ханшайымы" атағы 10-сынып оқушысы Қапан Мақсатқа және 9-сынып оқушысы Сүгірбай Шұғаға берілді.Сурет көрмесі бойынша І-орынды 7 және 8 сынып оқушылары бөліп алды.ІІ-орын 9-сыныпқа,ІІІ-орын 11-сыныпқа берілді.  
Елбасымыз Н.Ә.Назарбаев «Мемлекет отбасыдан басталады» демекші жыл сайын біздің елімізде «Отбасы күні» аталып өтеді. Биыл бұл мерекенің ресми түрде тойлануына 5 жыл толып отыр.Осыған орай биылғы оқу жылының КТК ойынының тақырыбы "Отбасы - алтын діңгек" болды.Биылғы жылы КТК ойынына үш топ қатысты. 7-8 сынып оқушыларынан құрылған "Назар аудар" тобы,9-10 сынып оқушыларынан құрылған "Көкөністер" тобы және 11 сынып "Панда" тобы.Бес кезеңнен тұрған КТК ойынының нәтижесі бойынша жеңіске "Назар аудар" тобы жетті.Екінші орынға "Панда" тобы ие болса,үшінші орынға "Көкөністер" тобы ие болды.Ойыншыларымызды құттықтаймыз!