Өскелең  ұрпақты тәрбиелеу барысында Елбасымыз Н.Ә.Назарбаевтың тапсырмасы бойынша "Мектепке жол" республикалық қайырымдылық акциясы жалғасын табуда.
Баян орта мектебінде 2016 жылдың 1 тамыз бен 1 қыркүйек аралығында "Мектепке жол" акциясы өтті.
Акцияның мақсаты - оқумен қамтылмаған балаларды анықтау,көп балалы және аз қамтылған отбасылардан шыққан оқушыларға,сол сияқты жетім,ата-ана қамқорлығынан айырылған балаларға оқуға дайындық кезінде және оқу жылының басында қолдау көрсету,әлеуметтік жағдайларға байланысты оқушылардың мектепке келмеуінің алдын алу.
Осы мақсатта мектебімізде акция жалғасын тапты.Осыған байланысты “Мектепке жол”  акциясын өткізу  бойынша мектеп ұжымының кеңесі өткізілді. Тамыз айында мұғалімдермен өткізілген педагогикалық кеңестің басты мақсаты, мектеп жасындағы балаларды оқумен қамту, ыстық ,қоғамдық тамақпен қамтамасыз ету , көп балалы  отбасылардағы және аз қамтылған отбасылардағы оқушылардың мектепке келуін ерекше бақылауға алу.
Ауданнан келген жоспарға байланысты стенд жасалды. Стендке аудандық және мектепішілік «Мектепке жол» акциясын өткізу туралы құжаттар ілінді. «Мектепке жол» акциясы барысында аз қамтылған отбасылар, көп балалы отбасылар арасында рейдтар өткізілді.
Рейд қорытындысы бойынша демеушілік тарапынан қолдауды қажет ететін 17 оқушы анықталып,әр мұғалімге аз қамтылған, көп балалы отбасыларынан бір оқушыдан бекітілді.
29 тамыз күні "Мектепке жол" қайырымдылық акциясы ұйымдастырылды.Мектеп директоры А.Қ.Сұрағанов педагогикалық ұжымнан көмек көрсетіп отырғанын айтып,оқу құралдарын балаларға табыс етті.